Windows 8, pas dy vitesh!

Në blogun e degës holandeze të Microsoftit, gjatë vikendit është publikuar lajmi se kompania po punon në zhvillimin e gjeneratës së ardhshme të sistemit të vet operativ Windows.

Javën e kaluar është bërë një vit që nga prezantimi i Windows 7, ndërsa tashmë në kompani po punojnë me vrull për zhvillimin e versioneve të reja. Sipas njoftimit, Windows 8 mund të gjendet në treg pas dy vjetëve.

Windowsi i ri, midis tjerash do të ketë edhe Windows App Store, prej ku mund të shkarkohen aplikacionet.

Dalja e Windows 8 në treg përshtatet me praktikën e zakonshme të Microsoftit të paraqitjes së sistemit të ri operativ çdo tre vjet. / koha /